點解香港會搞成咁

既然知道陰謀在背後，其實唔係唔明，係接受唔到殘酷嘅現況。並唔係做乜嘢都冇用，只係唔覺得值得用性命去換自由同埋尊嚴。大家於是鵪鶉咗。怕死唔係罪過，每個平凡人一生努力都只係為咗生存得好啲。螞蟻同埋蜜蜂可以為咗整個群體犧牲自己生命，並唔係因為覺得自己係英雄，係因為深深明白自己嘅渺小。